FRETILIN
Komunikadu de Imprensa
Dili, Tersa-feira, 21 Dezembru 2008
Ministra das Finanças selu osan-boot ba ninia kolega sira
FRETILIN kondena segredu bara-barak kona-ba asesór sira nia saláriu
Osan husi Fundo de Petróleu no mós finansiamentu husi doadór sira agora gasta arbiru de'it ba saláriu ho pagamentu ne'ebé aas ba ema internasionál ho lokál sira ne'ebé laiha kualifikasaun maibé iha ligasaun polítika ho pesoál ba ministru sira iha governum deputadu FRETILIN nian no mós vice prezidente Arsenio Bano, hatete ohin.
Bano, ne'ebé uluk kaer mós kargu nu'udár Ministru iha governu FRETILIN dehan, Primeiru Ministru de facto Xanana Gusmão lakohi fó-sai detallu kona-ba asesór na'in hira maka governu kontrata no mós kópia sira nia kontratu nian, maske FRETILIN ho deputadu sira seluk iha Parlamento Nacional halo ejijénsia ne'e dala hira ona ba Ministra das Finanças, Emilia Pires.
"Governu ne'e fó de'it empregu ba ninia maluk sira, Timor-oan no mós sidadaun australianu sira ne'ebé moris iha Timor-Leste. Ema sira ne'e simu saláriu ho FEE boot tebetebes, i sira ne'e barak maka laiha kualifikasaun, liuliu iha Ministério das Finanças," Bano dehan.
"Ami hatene katak Ministério das Finanças kontrata asesór sira na'in 70 ba tinan ida ne'e mesak.
Ema sira ne'e inklui advogadu australianu ida ne'ebé bazeia iha Sydney. Nia simu liu US$80,000 atu servisu de'it ba liu itoan fulan ida kuandu governu de facto AMP sa'e foufoun. Nia servisu hanesan asesór ba Timor-Leste nia lei Fundo de Petróleu maski nia laiha experiénsia legál espesífiku iha setór petrolíferu.
"Ninia área de espesialidade, tuir buat ne'ebé ami hatene maka, katak nia koñese ema importante iha governu no nia iha ligasaun ho diplomata sira no mós emprezáriu Timor-oan sira," Bano dehan.
"Ami mós hatene kona-ba tékniku laboratorium nian ida ne'ebé laiha esperiénsia ka kualifikasaun iha finansas públiku ka área ne'ebé relasionadu maibé nia simu liu US$10,000 fulan-fulan atu sai asesór ba Ministra das Finanças."
Bano kontinua: "Buat ne'ebé la'o ohin loron maka 'fahe servisu ba maluk sira', i iha kazu balu, 'namorada sira'.
"Ema sira ne'e barak maka hetan sira nia saláriu husi orsamentu estadu nian, ne'ebé totálmente finansiadu husi Timor-oan sira nia Fundo de Petróleu.
"Karik ida ne'e maka Ministra das Finanças nia medida ikus liu ba kombate pobreza ba ema sira ne'ebé iha ligasaun polítika ho sira no mós ema sira ne'ebé maka ekonomikamente privilejiadu."
Bano dehan FRETILIN uluk ko'alia kontra pagamentu ba asesór sira ne'ebé sisi osan boot durante debate ba orsamentu iha Dezembru tinan kotuk. Nia dehan katak buat ida ne'e repete filafali ona ho proposta ba orsamentu AMP nian ba tinan 2009, ne'ebé komisaun parlamentár agora diskute daudauk.
"Esforsu oioin atu hetan detallu báziku kona-ba númeru asesór iha ministériu laran, sira nia kapasidade ho esperiénsia, to'o agora laiha susesu tanba governu lakohi fó-sai. Ida ne'e atu hatudu fali katak, karik governu rai informasaun sira ne'e hanesan segredu estadu nian envés de hanesan kestaun ida kona-ba interese públiku.
"Buat sira ne'e hanesan detallu báziku ida ne'ebé konstitusionálmente no mós tuir lei governu tenke fó ba parlamentu atu ajuda parlamentu hala'o ninia servisu atu fiskaliza orsamentu ho efikás liu tan."
Bano dehan katak lori reseita husi Fundo de Petróleu ne'ebé governu FRETILIN estabelese maka governu ne'ebé Xanana kaer konsege netik tau hamutuk orsamentu anuál ida liu fali orsamentu iha tinan hitu nia laran ne'ebé governu uluk nian halo.
"Riku-soi sira ne'e tuir loloos gasta ba saúde, edukasaun ho agrikultura, buat ne'ebé garante dezenvolvimentu humana, envés de simu de'it 15% husi orsamentu ida agora ne'e. Doadór sira mós labele fó fundu atu selu de'it maka ema sira ne'ebé laiha kualifikasaun apropriada ka adekuada. Fundu sira ne'e tuir loloos gasta ba dezenvolvimentu ba ami nia povu," nia dehan.
Atu hetan informasaun liu tan, favór kontakta ho Arsenio Bano iha +670 741 2447
Komunikadu de Imprensa
Dili, Tersa-feira, 21 Dezembru 2008
Ministra das Finanças selu osan-boot ba ninia kolega sira
FRETILIN kondena segredu bara-barak kona-ba asesór sira nia saláriu
Osan husi Fundo de Petróleu no mós finansiamentu husi doadór sira agora gasta arbiru de'it ba saláriu ho pagamentu ne'ebé aas ba ema internasionál ho lokál sira ne'ebé laiha kualifikasaun maibé iha ligasaun polítika ho pesoál ba ministru sira iha governum deputadu FRETILIN nian no mós vice prezidente Arsenio Bano, hatete ohin.
Bano, ne'ebé uluk kaer mós kargu nu'udár Ministru iha governu FRETILIN dehan, Primeiru Ministru de facto Xanana Gusmão lakohi fó-sai detallu kona-ba asesór na'in hira maka governu kontrata no mós kópia sira nia kontratu nian, maske FRETILIN ho deputadu sira seluk iha Parlamento Nacional halo ejijénsia ne'e dala hira ona ba Ministra das Finanças, Emilia Pires.
"Governu ne'e fó de'it empregu ba ninia maluk sira, Timor-oan no mós sidadaun australianu sira ne'ebé moris iha Timor-Leste. Ema sira ne'e simu saláriu ho FEE boot tebetebes, i sira ne'e barak maka laiha kualifikasaun, liuliu iha Ministério das Finanças," Bano dehan.
"Ami hatene katak Ministério das Finanças kontrata asesór sira na'in 70 ba tinan ida ne'e mesak.
Ema sira ne'e inklui advogadu australianu ida ne'ebé bazeia iha Sydney. Nia simu liu US$80,000 atu servisu de'it ba liu itoan fulan ida kuandu governu de facto AMP sa'e foufoun. Nia servisu hanesan asesór ba Timor-Leste nia lei Fundo de Petróleu maski nia laiha experiénsia legál espesífiku iha setór petrolíferu.
"Ninia área de espesialidade, tuir buat ne'ebé ami hatene maka, katak nia koñese ema importante iha governu no nia iha ligasaun ho diplomata sira no mós emprezáriu Timor-oan sira," Bano dehan.
"Ami mós hatene kona-ba tékniku laboratorium nian ida ne'ebé laiha esperiénsia ka kualifikasaun iha finansas públiku ka área ne'ebé relasionadu maibé nia simu liu US$10,000 fulan-fulan atu sai asesór ba Ministra das Finanças."
Bano kontinua: "Buat ne'ebé la'o ohin loron maka 'fahe servisu ba maluk sira', i iha kazu balu, 'namorada sira'.
"Ema sira ne'e barak maka hetan sira nia saláriu husi orsamentu estadu nian, ne'ebé totálmente finansiadu husi Timor-oan sira nia Fundo de Petróleu.
"Karik ida ne'e maka Ministra das Finanças nia medida ikus liu ba kombate pobreza ba ema sira ne'ebé iha ligasaun polítika ho sira no mós ema sira ne'ebé maka ekonomikamente privilejiadu."
Bano dehan FRETILIN uluk ko'alia kontra pagamentu ba asesór sira ne'ebé sisi osan boot durante debate ba orsamentu iha Dezembru tinan kotuk. Nia dehan katak buat ida ne'e repete filafali ona ho proposta ba orsamentu AMP nian ba tinan 2009, ne'ebé komisaun parlamentár agora diskute daudauk.
"Esforsu oioin atu hetan detallu báziku kona-ba númeru asesór iha ministériu laran, sira nia kapasidade ho esperiénsia, to'o agora laiha susesu tanba governu lakohi fó-sai. Ida ne'e atu hatudu fali katak, karik governu rai informasaun sira ne'e hanesan segredu estadu nian envés de hanesan kestaun ida kona-ba interese públiku.
"Buat sira ne'e hanesan detallu báziku ida ne'ebé konstitusionálmente no mós tuir lei governu tenke fó ba parlamentu atu ajuda parlamentu hala'o ninia servisu atu fiskaliza orsamentu ho efikás liu tan."
Bano dehan katak lori reseita husi Fundo de Petróleu ne'ebé governu FRETILIN estabelese maka governu ne'ebé Xanana kaer konsege netik tau hamutuk orsamentu anuál ida liu fali orsamentu iha tinan hitu nia laran ne'ebé governu uluk nian halo.
"Riku-soi sira ne'e tuir loloos gasta ba saúde, edukasaun ho agrikultura, buat ne'ebé garante dezenvolvimentu humana, envés de simu de'it 15% husi orsamentu ida agora ne'e. Doadór sira mós labele fó fundu atu selu de'it maka ema sira ne'ebé laiha kualifikasaun apropriada ka adekuada. Fundu sira ne'e tuir loloos gasta ba dezenvolvimentu ba ami nia povu," nia dehan.
Atu hetan informasaun liu tan, favór kontakta ho Arsenio Bano iha +670 741 2447
