Díli, 23 Março 2009
Bankada Parlamentar FRETILIN
Deklarasaun Politika
Estradas Iha Manufahi At ba Bebeik, Guverno de Faktu AMP Aloka Deit 0,5% OJE ba Distrito Manufahi.
Senhor Presidente Parlamento Nasional,
Senhores Distintos Deputados,
Bankada Parlamentar FRETLIN, hakarak bolu atensaun senhores Deputados tomak iha Parlamento Nasional kona ba kondisaun estradas nebe at ba bebeik iha Distrito Maunfahi no Guverno de Faktu Aloka deit 0,5% total osan ba Distrito Manufahi husi Orsamento Jeral Estado 2009 nian nebe Parlamentares sira aprova 680.873 milhoes dollares norte-amerikanos iha fulan Janeiro nia laran.
Hanesan ita hotu hatene katak husi total $680,873milhoes OJE ba Timor-Leste tomak, Guverno de Faktu AMP aloka deit 5,210 milhoes dollares norte-amerikano ba distrito Manufahi nebe reprejenta, 0,5% deit husi total OJE 2009.
Distrito Manufahi nebe iha numero populasaun aumenta liu ona husi total nebe hamutuk 47,568 iha tinan 2004 pessoas, iha sub-distrito 4 ho sucos 29, luan 1325 km2, Guverno nia estimativa alokasaun ba distrito Manufahi kiik tebes.
Povo ki’ik iha Manufahi hadau malu $20 osan ba Ferik-Katuas, hadau malu mos traktores sira tan dollar nebe sulin ba sira nia distrito ki’ik tebes. Husi total $5,210miloes alokasaun ba Distrito Manufahi la hatudu indidores ida katak jovens no desempregados barak iha Distrito Manufahi se hetan serbisu ka simu osan hanesan ferik-katuas, funsionarios ka veteranos sira iha tinan 2009.
Povo ki’ik barak iha Manufahi sofre husi reforma tributaria nebe tuir lo-los atu hamenus folin sasan iha merkado maibe to’o ohin loron maske guverno de faktu halo tiha ona reforma ne’e, no hasae ona despesa Orsamento Jeral Estado nian ba 680,873miloes norte amerikano ba tinan 2009 folin sasan iha merkado aumenta ba be-beik.
Gap bo’ot hutudu iha alokasaun Orsamento Jeral Estado nian ba 2009, laos hatudu deit inkompentensia Guverno de Faktu AMP nian. Maibe hatudu mos ignoransia atu halo programa no halo desenvolvimento lolos hodi distribui osan husi Fundo minarai nian didiak no lori osan minarai ne’e sulin ba Timor-Leste tomak inklui distrito Manufahi.
Tuir Dokumentu Orsamentu Jeral Estado 2009 nebe Guvernu AMP aprezenta iha Parlamento Nasional total alokasaun ba Distrito Manufahi hamutuk $5,210milhoes, maske osan ne’e administra iha Guverno Sentral Díli, alokasaun osan ne’e se fahe ba;
1. Pensaun antigos kombatentes hamutuk,$401mil;
2. pagamento ba ferik-katuas no vulneráveis sira, $965mil,
3. pagamento ba salários no vencimentos ba funsionarios no PNTL iha Distrito Ertmera hamutuk $1,548mil
4. Kapital Desenvolvimento,$1,548;
5. Concessões Escolares e Alimentasaun $166;
6. Transferensias para sucos $285mil
7. Concessões Energia Altenativa $0
8. Desporto para jovens total hamutuk $35mil (0) deit.
Faktus alokasaun Orsamento Jeral Estado (2009) ba distrito Manufahi hatudu tristeza bot ba ita hotu nebe reprezenta povo tomak inklui povo Manufahi iha uma fukun ida nee, tan total osan nebe mak Parlamentares AMP nian vota ho ho favor lahatudu indikasaun ida katak jovens no desempregados sira iha Manufahi se hetan serbisu hodi manan dólar iha tinan 2009. Osan barak nebe parlamentares sira aprova ba los nebe? Karik ba boslu AMP nian ? karik ba Amigos emprejarios AMP nian ka karik ba hela iha DILI deit?
Parlamentares no Guverno de Faktu AMP la sente triste atu deskuti hodi prense posisaun politika estrutura Governu de Faktu AMP nian nebe balun halo tiha ona tomada de pose, sira mos la sente moe no triste atu aloka no aprova osan ba Viagens Estrangeiros ba Todo Governo hamutuk $5,175miloes ba tinan 2009, no lasente triste atu aprova no aumenta salarios vencimento ba politik nain sira tur iha Parlamento Nasional no Guvernu nebe benefisia karik ba ema 100 ida deit, maibe Parlamentares no governantes AMP nian aloka osan 0,5% deit ba distrito Manufahi no osan ba jovens sira la serbisu laiha liu iha tinan 2009 ba distrito Manufahi.
Bankada FRETILIN preukupa ho desequilibriu bot nebe mak Guverno de Faktu AMP hatudu liu husi alokasaun osan minarai nian ba distrito Manufahi. Iha investimento kapital desenvolvimento Manufahi hetan deit $,1,548milaun reprejenta 0,1% deit husi total $205,334miloes total kapital desenvolvimento hatudu iha Orsamento Jeral Estado 2009 nian.
Total ossan kapital desenvolvimento ba distrito Manufahi nee, sei la benefisia fo serbisu ba jovens sira no desempregados sira iha sub-distritos 4 no sucos 29 Manufahi nian, maske ferik katuas, funsionarios estado no veteranos sira simu osan husi fahe no selu husi OJE 2009.
Bankada FRETILIN preukupa ho investimento kapital desenvolvimento nebe kiik tebes, iha kapital desenvolvimento sei lakonsege halo equilibriu ho osan nebe fahe no selu funsionarios sira tan serbisu barak ba jovens sira presija hetan, famílias uma kain nebe la simu osan iha Manufahi, nebe mak desempregos no aguenta hela folin sasan nebe fulan-fulan sae as ba bebeik. sira nebe susar sei susar nafatin.
Bankada FRETILIN triste bot atu hare diferensa entre salarios & vencimentos ba Membros Deputados 65 ho nia total hamutuk $2,198miloes ba tinan 2009, ho alokasaun osan ba Marenda Escolares ba estudantes sira iha Manufahi, hamutuk $166mil deit hodi fo aihan ba 9.650 estudantes iha tinan 2009.
Osan aloka ba reabilitasaun estradas mos kiik liu ho total $200 mil deit ba tinan 2009 kompara ho osan nebe mak aloka atu selu mina ba governantes sira nia kareta. Estrada barak nebe halo ligasaun entre distrito-sub-distritus 4 no sucos 29 at ba bebeik. Kondisaun estradas at ne’e se aumenta at no se dificulta movimento ekonomia iha distrito Manufahi laran rasik, no se provoka folin sasan aumenta iha sucos balun iha distrito Manufahi. Dalan entre Same-Fatuberliu, Same-Turiscai, Alas- Same, at los.
Povo iha Manufahi rona husi radio no media komunikasaun seluk kona ba subsidio no salarios sira nebe mak ukun nain sira no Parlamentares sira koalia iha uma fukun ida ne’e. Dalabarak sira rona no hein katak osan minarai nebe tinan ida ne’e Governo de Faktu halo lavantamento liu husi rendimento sustanbel 3% Fundo Minarai, hamutuk $589,828miloes no $91,3miloes mai husi reseitas domestikas, atu finansia OJE 2009, nia restu se tun barak ba povo Manufahi. Kondisaun povo iha Manufahi hatudu katak desenvolvimento atu hamenus kiak iha tinan 2009 se la hahu husi sira nia uma laran, aldeia ka sira suco laran. Maibe kiak se menus uluk husi politik nain sira nebe deskuti no aprova Orsamento Jeral de Estado 2009 iha Dili.
Sira mos rona no kumpriende katak osan se ituan mak mai husi Fundo Minarai no nasaun foin mak hetan ukun rasik an. Saida mak sira hakarak hare, osan nebe fahe no selu funsionsarios ka politik nain sira iha Dili labele bot liu osan nebe mak se gasta atu halo sira nia Estrada, be’mos escolas, merenda eskolares no sira rasik bele sosa sasan folin iha merkadu Manufahi nian nebe todan ba bebeik.
Bankada FRETILIN sei labaruk atu repete saída mak hatete tiha ona iha diskusaun Orsamento Jeral Estado 2009 iha fulan Janeiro nia laran, katak los duni katak OJE 2009 despesista no benefisia deit grupo kiik ida Díli distritos sira inklui Manufahi oan sira se hetan deit 0,5% husi total OJE 2009.
Osan barak mak se gasta arbiru deit no se sulin ba rai liur duke ba povo iha Distritos sira inklui ba Manufahi. Iha Díli Primeiro-Ministro de faktu fahe deit osan ba jovens lubun oan ida iha fulan Dezembro 2008 nia laran iha Palácio de Governo maibe osan nee sedauk dólar no sulin to’o jovens sira iha Manufahi. Jovens sira hein nafatin bainhira mak sira hetan serbisu hodi manan osan no sosa buat ruma hanesan membros, governo no deputados sira.
Bankada FRETILIN fiar katak jovens sira iha Manufahi lakoi riku sira mak tohik mesak osan minarai nian ba sira nian an ho amigos sira iha DILI, maibe serbisu manan ho kosar ben rasik mak se fo dignidade no respeito ba maubere no biberes nebe mak mate hodi rai ne’e ohin loron hetan ukun rasik an.
Obrigado wa’in
Arsénio Bano, Deputado Bankada Parlamentar FRETILIN
Anekso Projektu Kapital Desenvolvimento ba Distrito Manufahi1
- Construcao de Posto Saúde em Fahinehan $ 81 0002
- Construcao de Posto de Saúde em Turiscai $163 0003
-Contrucao de Residensia para médicos em Turiscai $45 0004
- Controlo de cheias (Sahen II Rio Same) $100 0005
- Reabilitasaun Estradas Rurais $200 0006
- Nova Construcao Escola Primaria 270 Caicasa/Weulun $90 0007
-Nova Construcao Escola Primaria 289 Fatuco $200 0008
- Nova Construcao Escola Primaria 069 Foholau $120 0009
- Nova Construcao Escola Ensino Básico, Escola Primaria 301 Raifusa $225 00010
-Reabilitacao de Centros Sucos Letefoho $7 00011
- Reabilitacao de Centros Sucos Betano $7 00012
- Instalacao do sistema solar para fornecimento agua (Fatuberliu-Manufahi) $75 00013
- Reahbilitacao do Cano de distribuicao (Hat-Airam-Letefoho-Mesma-Manufahi) $75 00014 -Finalizacao Ponte em Carau Ulun $100 00015
- Construcao Mercado Mini-Orana $20 00016
- Construcao Mercado Mini- Fahinehan $20 00017
- Construcao Mercado Mini- Kasabau $20 000
Total $1,548 000
