Por: Calisto da Costa e Domingos da Silva
CJITL - Centru Jornalista Investigativu Timor Leste
CJITL flash, Cipriana Pereira membru Parlamento Nasional husi Bankada Oposizaun kontra hanoin Prezidente Republika Jose Ramos Horta atu altera lei Komisaun Anti Korupsaun (KAK).
Eis Primeiru Ministru Segundu Governu Konstitusional neé konkorda atu altera lei KAK tamba durante neé laiha konsensus entre partidu opozisaun no partidu Aliansa Maioria Parlamentar (AMP).
"Se oras ne; e la hetan konsensus entaun diak liu muda lei para halo maioria simples atu nunée bele hetan lalais komisariu KAK" dehan Horta iha Klinika Bairro Pite, sexta semana kotuk.
Mario Viegas Carascalão, Vise Primeiru Ministru ba Asuntu Administrasaun no Gestaun Estadu mos fo deklarasaun atu altera lei KAK wainhira iha loron primeiru partidu opozisaun Fretilin blokeia debate komisaun KAK.
Maibe Ciprina Pereira nebe hanesan Prezidente ba Asuntu Korupsaun iha Parlamentu Nasional la konkorda sem pursentu ho ideia Ramos Horta atu altera lei KAK.
"Hau la aseita deklarasaun Xefe Estado nian. Hanesan lideransa nasional nia pozisaun klaru katak sai promotor ba unidade nasional, dialogo no rekonsiliasaun maibe ba ponto ida aseita atu altera lei neé la los tamba seidauk implementa", dehan deputada neé.
Nia dehan KAK nudar instituisaun nebe atu defende interese nasional tamba neé persiza iha legitimasaun husi parte politiku liu husi konsulta ba malu hodi diskuti diak liu tan konaba asuntu neé.
Hanoin hanesan mos mai husi Prezidente Bankada Fretilin Aniceto Guterres katak atu hari KAK presiza iha konsensus ruma tamba labele hari KAK ho interese grupo kiík oan ida nian.
