Ho laran triste no susar FAFC através husi meio ida neé hatoó ninia sinceras condolências ba família tomak Komandante Ular Rihik nian.
Tuir informasaun nebe mak FAFC hetan, Komandante Ular husik mundu ohin lokraik iha Hospital Guido Valadares. Causa ba ninia mate, FAFC sei desconhece.
Nudar juventude rai dobem ida neé nian, ami reconhece sakrificios no dedikasaun nebe mak Komandante halo iha tempu Resisténsias no moos iha ukun aan nia laran ba ita rain dobem. Ba ami, Komandante Ular Rihik nia naran sei hakerek iha istória Timor-Leste nian.
Ho laran triste ami husik Komandante, maibé ami sei la dehan adeus ba Komandante. Ami sei temi nafatin Komandante nia naran, buat nebe mak Komandante halo no husik hela, ami sei hatutan.Dala ida tan, ami dehan "Timor-Leste lakon oan mane asuwain ida". Até loron ida, Komandante.
Coimbra, 06 Janeiru 2010
Nivea Alves
(Vice Coordenador-Geral do FAFC)
