Komunikadu imprensa
FRETILIN husu Presidenti Republika ordena investigasaun Gabineti Presidensia Republika nian kona ba falansu promulgasaun Orsamentu Retifikativu
FRETILIN husu ohin ba Prezidenti Republika Dr. Jose-Ramos Horta halao investigasaun klean ida ba insidenti neebe mosu iha semana liu ba iha Gabeneti Presidensia Republika nian bainhira Xefe Gabineti haruka Lei Orsamentu Retifikativu ba Parlamentu Nasional, no depois resulta iha publikasaun maske kontra Prezidenti Republika nia intensaun klaru, deklara Prezidenti partidu FRETILIN nian, Francisco Guterres "LuOlo"iha Dili ohin.
Tuir Komunikadu neebe sai husi Prezidensia Republika iha loron 6 Agostu 2008: "Molok nia sai ba liur, nia halo deklarasaun ba nasaun, tuir neebe nia dehan katak nia sei hein to'o desiziaun husi Tribunal Rekursu kona ba rekursu ida neebe tama kona ba konstitusionalidade Lei Orsamentu Retifikativu, molok nia halo desizaun ikus liu atu pormulga ka lae lei ida nee."
Prezidenti aumenta mos ida nee iha deklarasaun neebe temik katak: "Prezidenti Republika husik hela orientasaun klaru ba nia gabineti atu labele haruka lei ba publikasaun molok desizaun sai husi Tribunal Rekursu katak lei cumpri ho normas konstituisaun nian tomak."
"Maske Prezidenti nia liafuan, neebe fo sai iha deklarasaun iha televisaun, no konfirmado tuir mai iha komunikadu ofisial iha loron 6 Agostu, Prezidenti deklara katak nia fo 'orientasaun klaru' atu nia gabineti labele haruka lei nee ba publikasaun. Nia hatudu mos nia intensaun bainhira nia koalian ba Povo tomak iha Televisaun.
Ami la fiar nia bele koalian buat ida loron ida, no halo buat seluk fali.Maibe tuir mai, ita hotu hare katak ema seluk halo fali kontra nia hakarak, ema ruma iha nia gabineti haruka fali lei nee ba publikasaun.Nee assuntu ida neebe seriu ba nasaun, seriu ba orgaun soberania seluk hotu, no Povo Timor-Leste tomak.
Ami la foo sala ida ba Prezidenti, tamba ami fiar nia liafuan. Maibe ami duvida makas ba ema seluk neebe servisu iha nia gabineti. Ami duvida sira nia intensaunplitika no imparsialidade atu halau servisu iha gabineti aas liu hanesan nee," dehan LuOlo.
"Sorte hahalok sala nee buat ida neebe bele hadiak hela ho vontade diak husi orgaun oberania hotu. Maibe hau husu deit, sei envolve karik buat seluk neebe labele hadiak fasil hanesan nee? Hanesan deklarasaun estadu de sitiu ka disolusaun parlamentu por ezemplu? Entaun oin sa? Sorte ida nee laos deklarasaun funu ida neebe consekuensia todan liu ba nasaun.
Prezidenti halo buat hotu hotu neebe nia bele atu labele iha impaktu negative ba ita nia rain no Povo, maibe iha falansu seriu fali tamba hahalok iha nia gabinetilaran.""Ita abele husik deit hanesa nee. Ita presiza buka hetan lialos. Ita presiza hatene momos sei ida nee falansu humanu duni ka buat seluk, hanesan manipulasaun ruma ba Prezidenti nia hakarak, nia dever. Tamba nee presiza investigasaun klean.
FRETILIN apoia Prezidenti republika total atu halau investigasaun ida neebe seriu no transparent, tanba kredibilidade gabineti Presidenti republika nian aban bairua iha duvida hela iha ema barak nia Hanoin sei ita la hetan lialos,"
LuOlotaka.
Favor ida, kontaktu: Jose Reis +670 734 1505 (Dili)
